:: خطوات تصريح السواقـة .. إلى .. الليسن ::

:: خطوات تصريح السواقـة .. إلى .. الليسن ::

السلام عليكم ,,

حبيت أفيدكم في هذا الموضوع ,, للبنات اللي يحتاجون معلومات عن تصريح السواقة والليسن ,,

:: تصريح السواقة ::

الذهاب إلى مرور مدينة خليفة ,, مع إرفاق صورتين" لا يهم لون الخلفية" والبطاقة الشخصية

توقعين على ورقة من الضابط ,, وتعبين البيانات ,, وهي سهله جداً ,, ومافيها أشياء كثيرة ,,

وطبعاً تغير قرار موافقة ولي الأمر ,, أهم شي البنت فوق الـ 18 ,,

هي توقع لنفسها ,,

:: فحص العين ::

أول ماتاخذين الورقة من الضابط نفسه ,, تروحين فوق وبيعطونج رقم غرفة الفحص ,, و فيها لوحة عليها حروف ,, بعيدة عنج شوي ,, وتقولينها كلها حرف حرف ,, وإذا نجحتي بيختم لج على الورقة ,,

ملاحظة :

االلي تلبس عدسات أو نظارات ,, لازم تكون صورتها بعدستها أو نظارتها اللي جات فيهم ,,

:: مدرسة السواقة ::

أول ماتاخذين الورقة بعد ختم " فحص النظر " .. تروحين مدرسة السواقة ..!

مدارس السواقـة :

الرايـة " مدينة خليفة " .. الخليج " الخريطيات " .. الدوحة " الريان " .. الخبرة " الهلال " ..

وفيه اكثر ,,

:: التسجيل ::

تعطينهم ورقة المرور وتدفعين لهم ,,

وإذا ماكان عندج أي خبرة ,, لازم تاخذين 40 حصة ,, والمبلغ : 2500 ريال ,,

وتبدأ الحصص من ثاني يوم ,, ومرات تتأخر على حسب الزحمه اللي عندهم ,,

ومتى ما صار عندج الخبر الكافية لتأدية الاختبار ,, المدربه بتقولج إذا انتي على استعداد للإمتحان أوا تحتاجين حصص اكثر ,,

ملاحظة :

عند التسجيل قولوا لهم أنكم تبون " مدربه " مب مدرب ,,

إمتحآن السواقة /

لازم تسجلين قبلها بأسبوع ,, مع دفع رسوم " 50 ريال " ,,

وتجين للمدرسة 5 الصبح بدري ,,

الإشارات

يبدأ الاختبار بالاشارات ,, نفس الاشارات الموجودة بالشارع وتشرحين شنو هي ..؟

الـ L

الباركنع

داخل ساحة المدرسه

ثم الخروج للشارع مع الضابط والشرطية ,, لمدة 5 إلى 10 دقائق ,,

وأهم شي ,, ماتخافين ,, ولا تتوترين ,, انسي ان فيه أحد معآج ,,

والاختبار يستمر لمدة ساعة إلى ساعتين أو اكثر إذا كثر عدد اللي في الباص ,,

وبعدهآ الرجوع للمدرسة ,, وإعلان النتائج ,,

واللي تنجح تاخذ رقم بالدور وتدش مكتب ,, يطبعون لها " الليسن " وهي تختار الصورة اللي تبيها ,, اذا كانت مسجله بالكمبيوتر ,, او اذا معاها صورها تبغى يحطون لها ,,

ورسوم " الليسن " ,, 500 ريال ,, لمدة عشر سنوات ,,

وأي معلومات أو استفسارات انا حاضرة ..؟

أختكم في الله /

M!Ss T!Na