--_ماهو بيدي .. أرجع مثل أول معك_--ـ]

أتذكر اللـي صارلـك وأنـدم علـى بعـض ألامـور
لاشـك مـاهـو بـيـدي .. أرجــع مـثـل أول مـعـك

أصعب مساحات الألم جرح يجي وسـط الشعـور
وأتعـب مواقـف دنيتي"تبكـي واجفـف مدمعـك"

ماكـان لـي باللـي حصـل لظروفـنـا خـبـره ودور
ماقصدي أجرح وأبتعد وأهجر بقسـوه وأوجعـك

موقـف وكـان بأخـره صفحـه تغطيهـا السـطـور
قصه وفجأه أنتهـت... قبـل ألتقـي بـك وأسمعـك

عجزت أوضح صورة في داخلي تهوى الظهور
عـجـزت أحــدد موقـفـي منـك..وأحـدد مـوقـفـك

حاولت أرجع صـورة طاحـت مـن أيـام وشهـور
وأحساس جارف داخلي ينهانـي أرجـع وأرفعـك

كـل المشاعـر داخلـي صـارت بـلا حـبـك قـبـور
وأجمـل عواطـف دنيتـي كانـت بعينـي مرجـعـك

لوكان حبـك وردة..كـان أحتـرق عطـر الزهـور
وإلا تحـول صـورة فــي كــل لحـظـه ..تصفـعـك

"ماكنت أظن إحساسنا ممكن مع الضيقـه يبـور
ولا حسبتـك ترتـجـي شـوقـي وأعـانـد وأمنـعـك

ليـل يطـول ومايجـي لـه بعـد طـول اللـيـل نــور
حـب يـمـوت ويشتـكـي ويــرد فـجـأه ...يتبـعـك

ماعاد بيدي أنفعـل.. وأزعـل ..أعاندهم..وأثـور
ماعـد فيـنـي أشتـكـي وأسـمـع كـلامـك وأقنـعـك

طيفك وخنته وأعترف..؟؟كلي معك قسوه وجور
دامـي نثرتـك فالهواء..لايمكـن أرجـع وأجمـعـك

حاولـت أنسـى وأنسحـب هـذا هـو العالـم يـدور
"أنسانـي الله يحفظـك ويكـون بأحزانـك معـك"

صح لسانج قلبووو
وربي يعطيج العافيه
ونتظر جديدج