نسيت اعلمك واشلون تنساني...............

**اميره بوفاها**

اكيد انك على غفله نسيت وجبت لي سيره

او اني ماعرفت اعلمك واشلون تنساني

كثر ماكنت اشوف انا المفارق ضيقه وحيره

كثر ماكنت احس انك ولهت وجاك ماجاني

اعرف الحب الاول مايموت ومايجي غيره

واعرفك كل مايطري عليك القرب تلقاني

اجل ماقلت لك ساعه معك تسوا لها ديره

علامك تزرع الغيبه قصيد وتحصد احزاني

تغيب وماتبيني اطوي الدرب ومشاويره

وانا لولاك ماكان القصيد يحرك اشجاني

اذا ما كل شاعر يكتب الهامه وتفكيره

تعال اكتبني في دفتر حياتك واعزف الحاني

حبيبي والطعون الي تجي من خنجرك خيره

لان الجرح ياخذ هيبته من هيبت الجاني

تعبت وكل ذنب(ن) بغيبتك ماتت معاذيره

مثل ماكنت مسرف بالعطايا وانت حرماني

تخيل حتى لو قلبي بديت اشعر بتقصيره

ادور لك بداله قلب يعطي و العمر فاني

لو انك تفهم احساس الغلا واشلون تاثيره

فهمت اشلون ماشوفك واجيب اسمك على الساني

تصدق عاد انا والشوق والاحساس والغيره

جلسنا كل واحد يشكي غيابك على الثاني

اقولك شي وماتزعل علي وتفضها سيره

انا اسف نسيت اعلمك واشلون تنساني